މާލޭ އަތިރިމަތި އެނޑް ތޮށިމަތި ސްޕާ އައިލެންޑް ރިސޯޓް

 

މިއީ އާވާހަކަ އެއްނޫނެވެ.ފަހަރެއްގައި އަޅުގަނޑަށްވުރެ ބޮޑަށް ތިބާ އަށް މިކަން އެނގިފައި އޮތުން ބޮޑެވެ.އަދި ކިއެއްހެއްޔެވެ. ތިބާއީ މިދަންނަވާ ރިސޯޓްގައި އުޅުއްވަވާފައި ވަޑައިގަތް ބޭފުޅަކަށްވުން އެކަށިގެން ވެއެވެ. އެހެން ވެއްޖެނަމަ ތިބާއަށް ހަލާކު ހުއްޓެވެ

ބުނެ އުޅޭ މަޝްހޫރު ތެދު ވާހަކަ އެކެވެ. އެކަހެރި ތަނެއްގައި ހިލޭ ފިރިހެނަކާއި އަންހެނެއްވާނަމަ، 3 ވަނަ އަށް ޝައިޠާނާ ނުވެ ނުދާނެއެވެ.އެހެން ކަމަށްވާނަމަ، ރޭގަނޑުގެ. އަދިރީގެ ޖާދޫގައިއެފަދައިންވީނަމަ، ތިބާއަށް ހީވަނީ ކިހިނެއް ހެއްޔެވެ

ދެން މިދަންނަވާ ރިސޯޓުގެ ވާހަކަ ދަންނައެވެ. ތަނަކީ ޙަޤީޤައި ގުދުރަތީ ޢަޖައިބުން ފުރިފައިވާ ތަނެކެވެ. ކަލާންގެ ޤުދުރަތްތެރިކަމާއި، ކުޅަދުންވަންތަކަން، ވިސްނައިފި އަޅަކަށް ކިތަންމެހާ ރަނގަޅަކަށްވެސް ހާމަވެއެވެ. ނަމަވެސް މިއިން އެއްވެސް ކަމެއް ޚިޔާލަށްވެސް ނައިސް، ރޭގަނޑުގެ ނުބައިކަން ތިމާގެ ހަށިގަނޑަށް ވައްދާ ހަރާ ބަޔަކަށްވުރެ މޮޔަ ބަޔެއް ކޮބައި ހެއްޔެވެ.

ފަހަކަށް އައިސް މި ރިސޯޓަށް ޒިޔާރަތްކުރާ ދިވެހިންވަނީ ކިތަންމެހާ ތަނެއްވެސް އިތުރު ވެފައެވެ. ކޮންމެ ރެއަކުވެސް "ހައުސް ފުލް" ވާންދެން މީހުން އައިސްގޮސް ވެއެވެ. ތަނުގެ ޚިދުމަތުގެ ފުރިހަމަކަމާއި، މާޙައުލުގެ ފުރިހަމަކަމަށް ސާބަސް ދޭޙާލުގައި އަދި އަންނާން ވައުދު ވަމުންނެވެ. ރިސޯޓްގެ އޯނަރު މ.ރ ޖޭ.ވާ އިބިލީހަށް ހާދަހާވާފައިދާ އެކެވެ.

ތިބާ މިލިޔުން ވިދާޅުވަމުން ދަނީ ރޭގަނޑެއްގައި ނަމަ، ބަދުއަޚްލާޤީ އެތަށް ކަމެއް މާލޭ ވަށައިގެން އެއޮތް ތޮށިމަތީގައި ހިގަމުންދާކަމުގެ ޚަބަރު އިއްވާފާނަމެވެ. ތިބާއައް ޙައިރާންކަން އިޙްސާސް ނުކުރެވޭތޯއެވެ. އަހަރަމެންނީ ސައްތައިން ސައްތަ އިސްލާމީ ޤައުމެއް ކަމުގައި ދައުވާކުރަމުން ދާ ބައެއް ކަމުގައި ޚުދު ތިބާވެސް އެއްބަސްވެލައްވާނެއެވެ. އެހެންކަމަށްވާނަމަ، މުސްލިމުންގެ ޢަމަލުތަކާއި ނުބައްދަލް ޢަމަލުތަކެއް ތަކްރާރުވެ ޢާންމުވުމުގެ ޢަލާމާތަކީ ކޮބައިތޯއެވެ. ތާރީޚުގެ މުއްސަނދި ސޮފްޙާތައް އުކާލުމަށްފަހު، ޒަމާނުގެ ތާރީޚަށް އެނބުރި ރުޖޫޢަވެލައްވާށެވެ. ދީނީ "ތަރައްޤީއެއް" ތިބާއަށް ފެނިލައްވާތޯއެވެ.

ބަލަ މިކަން ހުއްޓާންވީ ވަޤުތު އަދިވެސް ނާންނަނީ ކަމުގައި ތިބާ ހީކުރީ ހެއްޔެވެ. މިކަމުގައި އަޑު އުފުލާނެ ވާހަކަ ދެއްކުންތެރިން ކޮބައިހެއްޔެވެ. ޝަޚްސިއްޔަތު ހުރި ސިޔާސީ ބޭފުޅުންޅުންނާއި، ސިޔާސީ ޕާޓީގެ އަޑުތައް ކޮބައިހެއްޔެވެ. އެބައެއްގެ ލިޔުންތަކުގެ ޖާދޫގައި އާންމުން ޖެއްސި ލިޔުންތެރިން ނެތުނީ ހެއްޔެވެ. އެތިބަ މޮޅު ރިޕޯޓަރުންނާއި ނޫސްތައް ވަދެވީ ކޮންތާކު ހެއްޔެވެ. ނުވަތަ މިކަމަކީ ތިބާއަށް އެހާ މުހިންމުކަމަކަށް ނުވަނީ ހެއްޔެވެ. ނުވަތަ ގަނޑެއްގައި ލިޔެފައި އޮތީމާ ޤަބޫލު ނުކުރަނީ ހެއްޔެވެ. އެހެންކަމަށްވާނަމަ، ލޮލުންދެކެ، އަތުން ހިފާފައި އައިސް، ޙައްޤު ކުރިޔަށްނެރެމާ އަންނާށެ.ނޫނޫ ތިބާވެސް

މީހާ ހިސާބަށް އާދެވުނު އިރު، "އެރިސޯޓުގައި" ކަން ހިގާގޮތް ތިބައަށް ސޫރަ ކުރެވޭނޭ ކަމުގައި ހީކުރަމެވެ. ނުކުރެވުނުނަމަ ދަންނަވަމެވެ. އެތާންގައި ކަންހިނގާ ގޮތްލިޔާން އަޅުގަނޑުގެ ލަދުރަކިކަން އެބަ މަނަޢަކުރެއެވެ. މިވަރުން އެނގިވަޑައިނުގަތްނަމަ، ވަޑައިގެން ބައްލަވާ، ޙައްޤުބަސް ވަޅުލެވިފަ އޮތްތަނުން މައްޗަށް ނަންގަވާށެވެ

މިފަހަކުން މާލޭގައި ވަކިހިތްޕާލާފައި ހުރި "މިކަހަލަ ރިސޯޓްތައް" ނައްތާލުމަށް އަހަރަމެން ކުރި ހަނގުރާމައިގައި ނަޞްރު ލިބުނުކަން ތިބާ ނުދެނަހުރީމު ހެއްޔެވެ؟ މިފަހަރު މާލޭ ރައްބޭރު ތޮށިމަތީ އުފެދިފައިވާ "ފިތުނަ" ނައްތާލުމަށް "ލަޝްކަރު" ތައްޔާރު ކުރަންވީ ކަމުގައި ހީކުރަމެވެ. އެއީ ތަންކޮޅެއް އަލިގަދަ ބޮކިތަކައް ހިފައިގެން ކަމުގައި ވިޔަސް ހެވެއެވެ.

" Abul Barakat Usuful Baru bary 2 vana "